Daniel 12
Beina Hun
1“Tua hun ciangin na mite a cing alian gam-ukpa Michael hong khang ding hi. Tua ciangin minam om tunga kipan tu hun donga om ngei lo lungdon hun a tung ding hi. Ahi hangin tua hun ciangin na mite - a min laibu sungah a kimu peuhmah - a kihukhia ding hi. 2Leitang vui lakah a ihmu mi tampi khanglo ding uh a: pawlkhatte a tawntung nuntakna ah, adangte maizumna le a tawntung kisimmawhna thuakin a tho ding uh hi. 3A pilte ▼▼12.3 Ahikeh pilna kipiapa
, vantung khuavak bangin a tang ding uh hi; thumaan ah mi tampi a makaihte aksi bangin a tang tawntung ding uh hi. 4Ahi hangin nang Daniel aw, a beina hun mateng laizial-a thute khakcip inla a tungah ciamteh in. Pilna behlap dingin mi tampi a suktai a totai ding uh hi,” hong ci hi. b 5 Tua ciangin keimah Daniel in ka et leh ka mai-ah midang nih kei lam galah khat a galkhat lamah khat a na ding hi. 6Amaute khat in saihadial puan silh gun tui tunga mipa kiangah, “Hih a tuampian nate a tangtun ma bangtan sawt lai ding hiam?” a ci hi. 7 Saihadial puan silh gun tui tunga pa in vantung lamah a khut taklam le veilam vanto in a nungta tawntungpa tawh amah kiciama, “Tua hun in, hun khat hunte le hun ▼▼12.7 Ahikeh kum khat, kum nih le kum khat lang
lang ahi ding hi. A tawpna-ah misiangthote vang-liatna a kisiat hun ciangin hih nate khempeuh a kicinna hi ding hi,” a cih ka za hi. 8 Ka zak hangin ka telcian kei hi. Tua ciangin, “Ka topa aw, hihte khempeuh hong bangci piankhiat ding hiam?” ci-in ka dong hi. 9 Amah in, “Daniel aw, pai ta in, bang hang hiam cih leh a beina hun mateng kikhakcipin kiciamteh hi. 10Mi tampi kisiangthosak in paubaang loin kisiansuah ding uh a, ahi zongin a gilote gilo suak ding uh hi. A gilote khat beekin tel lo ding uh a, ahi hangin a pilte in a tel ding uh hi. d 11 “Nisim biakna kibeisak a, a hawmmangsak kihhuaina a kikoih hun panin ni 1,290 a om lai ding hi. 12Mi khatpeuh ni 1,335 dong ngaka a beina dong a ngakzote thupha ngah ahi hi. e 13 “Nang na hileh a bei dongin ngak in. Na tawlnga dinga a beina ni ciangin na luah dingte ngah dingin na tho ding hi,” hong ci hi. f
Copyright information for
ZomZIV